കുട്ടിക്കാലത്ത് സ്കൂൾ പൂട്ടുന്ന ആ ഏപ്രിൽ – മെയ് മാസക്കാലം വന്നെത്തിയാൽ പിന്നെ മനസ്സിൽ ഒരൊറ്റ ചിന്ത മാത്രമേ ഉണ്ടായിരുന്നുള്ളൂ— ഉമ്മാന്റെ വീട്ടിലേക്കുള്ള വിരുന്നു പോക്ക്! അക്കാലത്തെ ഏറ്റവും വലിയ വിനോദവും ആവേശവും ആ ഒത്തുചേരലായിരുന്നു. പുസ്തകങ്ങളെ എല്ലാം ബാഗിൽ വിശ്രമിക്കാൻ വിട്ടു, കസിൻസ് എല്ലാവരും കൂടി അങ്ങോട്ട്‌ വണ്ടിയിറങ്ങുന്നതോടെ ഉമ്മാന്റെ വീട് ഒരു ഉത്സവപ്പറമ്പായി മാറും. കളിയും ചിരിയും വഴക്കുകളുമായി ആകെ ബഹളമയമായ ദിനങ്ങൾ.